• Fomentando valores desde as categorías inferiores

  • Fisober, trece anos de historia

  • Afección, un máis no campo de xogo

  • Bicampionas da Costa

Copyright 2018 - Design by Finpari Code - Fisober FSF

Infantil campión da Copa Provincial e Pablo Costa convocado coa Selección da Costa

Detalles
Categoría: Actualidade
Published: Martes, 22 Mai 2018 00:41
Visitas: 80

PROVINCIAL INFANTIL

O equipo infantil do Fisober F.S.F. proclamouse campión provincial na súa categoría despois da Fase Final disputada en Irixoa o sábado día 19 de Maio.

Despois de proclamarse campionas de forma brilante no Intercomarcal e gañar a súa praza con elo para esta Fase Final o equipo costeiro disputaba a primeira das semifinais fronte o conxunto local o EDM Concello de Irimon o que gañaba con solvencia clasificándose para a gran final.

Na outra semifinal enfrontábanse o Comarcal A Fervenza e o Viaxes Amarelle, caendo a vitoria para as viaxeiras nun partido igualado por un axustado dous a un.

Na final de consolación A Fervenza vencía ao EDM Concello de Irimon , levándose o terceiro posto.

Na gran final enfrontábanse o Fisober e o Amarelle. O partido foi espectacular e cheo de emoción. Pero o Fisober que sempre estivo por diante no marcador e controlando o partido levouse o título.

Sharay Caamaño, Saray Duarte e de novo Sharay Caamaño poñían o tres a cero para o Fisober. O cal respostaba o Viaxes Amarelle con dous goles para poñer o tres a dous no electrónico.

Saray Duarte facía o cuarto do Fisober o cal respostaba de novo o cadro viaxeiro facendo o catro a tres.

Kenny facía o quinto gol do Fisober que sería a postre definitivo. Nun partido moi serio do conxunto adestrado por Ana Mouzo e Dani Costa que lles serviu para pechar a tempada co título Provincial Infantil despois dunha moi boa tempada do equipo tanto en Liga coma en Copa Galega.

O conxunto estivo formado toda a tempada por : Naira ( porteira ) , Kenny, Lucía, Sharay, Andrea, Ruth, Saray, Larita, Uxía, e tamén por Laura e Alexia que faltaron a esta cita por lesión. Baixo as ordes de Ana Mouzo e Dani Costa.

SELECCION DA COSTA BENXAMÍN

Tamén foi convocado ca selección da Costa o noso benxamín Pablo Costa para o Comarcal Galego disputado en Mondoñedo e Lourenzá o domingo día 20. Cadro no que formaban parte do cadro técnico tanto Ana Mouzo coma Dani Costa.

Comezaron con derrota ante a Selección de Ourense por dous a seis. No seguinte partido igualada a catro fronte a Selección de Vigo. Para rematar o torneo con triunfo ante a Selección de Pontevedra por dous a tres. Gran torneo dos costeiros que foron de menos a máis

O Infantil campión do Intercomarcal

Detalles
Categoría: Cronicas
Published: Martes, 01 Mai 2018 12:17
Visitas: 289

Como contábamos na previa as categorías inferiores tiñan un fin de semana cheo de partidos no que o equipo infantil se levaba a palma. A pesares de que houbo pleno de triunfos un gol privou de que a ledicia fora total. Todos eles disputados nas I.D. de O Conco en Dumbría.

Comezaba o fin de semana ca disputa do Intercomarcal Infantil no que o Fisober se levou o primeiro posto despois de vencer por 6 a 0 ao Camariñas e por 8 a 0 ao Villa de Cee. Finalmente a clasificación do Intercomarcal quedou co Fisober coma campión, o Villa de Cee subcampión e o Camariñas coma terceiro clasificado. Co cal as infantiles do Fisober gañaron o título e tamén a súa praza para disputar o campionato provincial en vindeiras datas.

O equipo estaba formado, foto adxunta de esquerda a dereita : arriba : Naira, Kenny, Lucía, Sharay, Andrea, Alexia ( lesionada ). Abaixo esquerda a dereita : Laura, Ruth, Saray, Larita, Uxía ( lesionada ).

O domingo de mañá o equipo infantil tiña outro compromiso difícil que era fronte ao Talleres ABC Vigo na Copa Galega Infantil. Gañaban o seu partido ao actual subcampión galego da categoría por un a cero con gol de Lucía pero un triple empate , co Poio e o Meigas , deixabas fora da Final Four da Copa Infantil Galega por tan solo un gol. Aínda así boa participación na Copa das pupilas de Ana Mouzo e Dani Costa na que se quedaron a un gol do pase.

O domingo tamén había compromiso para o equipo filial, que se enfrontaba ao Troula de Betanzos en partido de Copa da Primeira Galicia. Con vitoria por catro a cero para as costeiras. Con goles de Nuriña en dúas ocasións, Ainho e Carre.

f t g