Copyright 2019 - Fisober FSF

Noticias breves Fisober

Importantes días para o Fisober F.S.F. os do pasado xoves e venres, nos que se celebraron as xornadas de portas abertas e firmouse un convenio de colaboración co F.S.F. Villa de Cee.

Durante a tarde do xoves e venres celebráronse nas I.D. de O Conco en Dumbría unhas xornadas de portas abertas para a captación de nenas e nenos para os diferentes equipos do Fisober xa que o club ten a intención de crear equipos federados en categoría tanto infantil, coma cadete masculino e así unirse aos xa existentes en diferentes categorías femininas.

A afluencia foi importante a estas xornadas o que implica unha grande satisfacción para o club e da un pulo a idea de poder ambos conxuntos, algo no que se irá traballando antes do inicio da tempada. Ademais o fútbol sala é totalmente compatible coa práctica de calqueira outro deporte ou actividade e ademais é beneficioso.

Tamén o xoves se firmou un convenio de colaboración co F.S.F. Villa de Cee, importante para o crecemento do fútbol sala costeiro e para darlle unha saída neste deporte a eses nenos de categorías inferiores.

Tamén se coñeceu este fin de semana que Noelia García Costa , Noe , unha das nosas capitanas non continuará xogando no club a vindeira tempada na busca de novos retos, pero non continuará xogando xa que Noe sempre será parte do club e confiamos en que algún día volva a vestir a nosa camiseta.

Despois de quince anos no Fisober , toda a nosa existencia, xa que chegou no 2004 con dez cando o Fisober foi creado, foi escalando pasiño a pasiño co club , pasou por tódolos equipos do club e foi axudando a crecer ao Fisober por iso sabemos que solo será un ata pronto e lle desexamos toda a sorte do mundo nos seus vindeiros proxectos.

Xornadas de portas abertas

O Fisober F.S.F. desenvolverá unhas xornadas de portas abertas de fútbol sala feminino e masculino co obxectivo de captar nenas e nenos interesados en pasar a formar parte dos diferentes equipos que ten o club costeiro.

A captación estará centrada en feminino para nenas alevíns e infantís é dicir nadas entre os anos 2006 e 2009, aínda que si algunha outra de maior ou menor idade quere probar tamén están as portas abertas.

No masculino o que se buscan son nenos infantís e cadetes é dicir nados entre o 2004 e 2007, xa que a intención do club e crear tanto un equipo infantil coma un cadete que compita a nivel federado, para darlle un pulo aos diferentes rapaces que se viñeron incorporando ao club nos últimos dous anos para competir na LCFSB.

Esta iniciativa consiste en abrir os adestramentos a todo aquel que desexe acudir. Deste xeito todas aquelas nenas e nenos que queiran probar se lles gusta a práctica do fútbol sala poderán acudir as I.D. de O Conco en Dumbría os vindeiros días xoves 27 de xuño e venres 28 de xuño de 17:00 a 18:30 horas.

O obxectivo destas xornadas de portas abertas , para as que non é necesario a inscrición previa, é o de captar nenas e nenos interesados en pasar a formar parte dos diferentes equipos que ten o Fisober.

O Fisober terá que voltar a salvarse

O Fisober cando xa se cría salvado, onte espertou ca nova de que o Salceda presentara un recurso contra unha aliñeación indebida dun terceiro e acadaba dous puntos que o volven poñer na pomada e compromete moito as costeiras. Polo tanto as costeiras terán que voltar a salvarse, pero a nova implica tamén no descenso a novos equipos como o filial de A Fervenza.

O sábado un de xuño a partires das 18:00 horas no P.M. Salceda de Caselas o equipo local e o Fisober xóganse a tempada nun partido a todo ou nada con Jesús Conde Areal coma colexiado.

As contas son estas se o Fisober vence ou empata está salvado en caso contrario dependerá de terceiros.

Se perde queda nas mans do Couto que visita Culleredo, necesitaría que o Couto non gañase para salvar as costeiras. A outra vía esta máis difícil sería que o filial de A Fervenza perdese por cinco goles máis do que o faga o Fisober, algo que parece pouco probable.

As costeiras atópanse cunha situación inesperada a dous días do partido e cunha praga de baixas o que dificulta aínda máis as cousas.

Na primeira volta o resultado fora de igualada a dous goles , polo Fisober marcaran Mai e Paula Fandiño polo Salceda : Bárbara e Marta.

O pasado fin de semana remataban a competición o filial e o infantil nas súas respectivas Copas. O filial perdía por catro a cero en Cruces nun partido no que xa non se xogaba nada. Pola súa banda o infantil perdía nos penaltis nas semifinais da Final Four, un gol nos últimos segundos e a lotería dos penaltis deixounas fora dunha final que se levou o locatario Poio.

Partido de gran importancia para o Fisober

Fin de semana no que o Fisober F.S.F. tan solo ten un partido, o do primeiro equipo, pero de suma importancia e será no inhabitual horario de domingo as 19 horas nas I.D. de O Conco en Dumbría.

Na Preferente Galicia-Liga Autonómica o Fisober recibe ao S.D. A Gaiola o vindeiro domingo día 19 a partires das 19:00 horas nas I.D. de O Conco en Dumbría en partido correspondente a 29ª xornada de liga e con Marcos Pérez Rodríguez coma colexiado asignado.

Partido moi importante para as costeiras o desta xornada a última coma local. O Gaiola santiagués é un equipo con moita xogadora coñecida nas súas filas. Conta con dúas ex coma Bárbara e Raquel ademais de dúas xogadoras costeiras coma Bea Lista e Marta Sambade.

Na primeira volta o triunfo fora do Gaiola por catro a dous con goles de : Raquel en dúas ocasións, Estela e Bárbara nunha, polo Fisober marcaran : Nuria e Paula Fandiño. O que demostra a dificultade do partido e a eterna maldición de enfrontarse as ex xogadoras.

Copa Primeira Galicia e finais dos campionatos provinciais

COPA PRIMEIRA GALICIA

RESULTADO : FISOBER B F.S.F. – TCA INSTALACIONES FS PONTEDEUME : 3-2.

FISOBER B : Sharay, María Maroñas, Lucía Rodríguez, Nerea, Lucía Martínez ; tamén xogaron : Andrea, Ruth, Uxía.

PONTEDEUME : Marta, Yaiza, Laura, Estela, Marta Balado ; tamén xogaron : Sonia, María, María López, Nuria, María Allegue, Lara.

ÁRBITRO : Francisco Javier Seijo , CRONO : Melanie Mendoza.

GOLES : 0-1 min 6 María Allegue , 0-2 min 12 María Allegue, ( descanso ) , 1-2 min 29 Uxía, 2-2 min 30 Saray, 3-2 min 43 Nerea.

Partido correspondente a 8ª xornada de Copa Primeira Galicia – Copa Provincial no seu grupo B disputado na tarde do sábado nas I.D. de O Conco en Dumbría.

O filial do Fisober pragado de infantiles lograba repoñerse a un dous cero en contra e levarse o partido, con Sharay facendo as veces de porteira.

Non comezaba mal o filial costeiro pero as de Ferrolterra poñían perigo a contra. E nunha contra era María Allegue a que poñía en vantaxe ao Pontedeume.

Continuou o dominio do filial e noutra contra de novo María Allegue facía o segundo gol visitante.

O filial costeiro tentouno durante a primeira metade pero non foi quen de superar a boa porteira visitante. Con cero a dous chegouse ao tempo de lecer.

Na segunda metade puxéronlle moitas gañas as locais para darlle a volta ao partido.

Así era Uxía a que reducía distancia e tan solo un minuto despois era Saray a que deixaba o empate no electrónico co que comezaba un novo partido.

Segueu intentando o filial costeiro e tamén as visitantes poñían a proba a Sharay en portería.

Ata que Nerea facía o terceiro e dáballe a volta ao partido a prol do filial. Nos sete minutos que restaban xa non se moveu o marcador e os puntos quedaron na costa.

A vindeira semana descansan as costeiras que rematan a competición dentro de quince días en Cruces.

CAMPIONATOS PROVINCIAIS

Os equipos infantil e alevín femininos disputaban as finais provinciais fronte a sendos equipos do Viaxes Amarelle nas instalacións do P.M. de Outes, en ambas categorías saíron triunfadoras as vaixeiras.

Primeiro era a xeira para as alevíns que se enfrontaban a un Viaxes Amarelle campión de Liga e Copa Galega. O resultado foi de seis a un a prol das herculinas e o gol costeiro foi obra de Marta. Polo Fisober participaron Yaiza , Sabela, Marta, Lara, Zoe, Noa, Sara e Claudia.

Despois era o turno para as alevín que tamén se enfrontaban a un Viaxes Amarelle campión de Liga Galega. O resultado foi de catro a un a prol das herculinas e o gol costeiro foi obra de Laura Esteiro. Polo Fisober participaron Alexia , Sharay, Lucía Rodríguez, Saray, Lucía Martínez, Lucía Canosa, Ruth, Lauriña, Nerea, Laura Esteiro, Uxía.

Ambos equipos do Fisober eran adestrados por Ana Mouzo e Dani Costa.

f t g