Copyright 2017 - Fisober FSF

Fin de semana de viaxes

Fin de semana de viaxes para os equipos do Fisober que xogan todos eles a domicilio, exceptuando o equipo alevín mixto que xogará o seu partido a vindeira semana.

Na Segunda División Nacional no seu grupo IV dentro da xornada número trece o Fisober F.S.F. visita a pista do A.D. Alcorcón “B” F.S.F. o vindeiro sábado día 16 a partires das 19 horas. O partido disputarase no P.M. Santo Domingo da localidade madrileña de Alcorcón.

Tócalle visitar as costeiras ao líder invicto da competición no que será un partido máis que compricado para as rapazas do Fisober.

Non será un choque inédito xa que o filial do Alcorcón está escrito na historia das costeiras para ben e para mal. Xa que na tempada 14/15 o Fisober fora quen de gañar en Alcorcón no que fora unha das grandes sorpresas da tempada, aínda que na segunda volta no último partido de liga a vitoria das madrileñas prodoucira o descenso de categoría das costeiras.

Parece que esta xeración das madrileñas é aínda máis perigosa xa que aínda non perdeu partido en liga.

Deberán rozar a perfección as costeiras se queren sacar algo positivo. Concentración, traballo e aproveitar as oportunidades serán as chaves para o Fisober.

Na Primeira Galicia e dentro da xornada dez o filial terá derbi costeiro visitando a Agrupación Deportiva Atletes. O partido terá lugar o vindeiro sábado día 16 a partires das 19 horas no P.M. de Esteiro.

Será o último partido do 2017 para o filial xa que a liga tómase un descanso ata Xaneiro co parón de Nadal. As de Esteiro veñen nunha liña ascendente está tempada.

Na Liga Galega Infantil as costeiras visitan ao 5 Coruña Seguridade Galega F.S.F. o vindeiro sábado día 16 en partido correspondente a undécima xornada. O partido disputarase no P.M. Novo Mesoiro a partires das 16:30 horas.

Na primeira volta o partido acabara con vitoria coruñesa por 2 a 3 nos últimos segundos. Tamén será o último partido do 2017 para as infantiles antes do parón de Nadal.

O equipo alevín mixto da Liga Comarcal da Costa da Morte esta semana non terá partido, disputaraos previsiblemente a vindeira semana.

Xornada solidaria no Conco

O Fisober F.S.F. repite iniciativa de outras tempadas polo Nadal este sábado día 9 xa que vai facer unha recollida de alimentos para causas solidarias. Aproveitando as datas que nos atopamos e que o sábado xogan coma locais tanto o primeiro equipo, como o filial e o infantil vai ser a data elixida para facer a recollida solidaria de alimentos, na cal o club agradecería a todos aqueles que se pasen polas I.D. de O Conco o vindeiro sábado para presenciar calquera dos partidos, acudan con alimentos non perecedeiros por esta boa causa.

No puramente deportivo na Segunda División Nacional no seu grupo IV e dentro da 12ª xornada de liga o Fisober recibe a visita do Colmenarejo F.S. o vindeiro sábado día 9 a partires das 16 horas nas I.D. de O Conco en Dumbría.

Difícil rival o madrileño no que chega na portería unha das históricas do Fisober a muxiana de Merexo , Eva Lema. O Colmenarejo é un dos aspirantes o ascenso e o título de Liga. Chegan despois de tres vitorias consecutivas.

O Fisober chega despois da igualada a semana pasada en Guadalaxara.Total concentración os corenta minutos, traballo defensivo e aproveitar as oportunidades serán chave para o Fisober se quere pescar algo neste complicado partido. Partido inédito xa que ambos conxuntos nunca se enfrontaron.

O equipo filial de Primeira Galicia xoga tamén o sábado día 9 as 19:45 horas como local nas I.D. de O Conco en Dumbría fronte ao Cruces F.S.F. dentro da novena xornada da categoría .

O Cruces ven de igualar na última xornada fronte ao Melide un dos equipos da parte media alta da clasificación. Mentras que o filial do Fisober está a pagar a novatada e as baixas que fan que non poidera repetir convocatoria en toda a tempada, pero o proceso formativo tamén é sobrepoñerse as dificultades e aprender cada partido.

Na Liga Galega Infantil feminina o equipo infantil recibe ao A Fervenza dentro da décima xornada da categoría co que se da inicio a segunda volta, será sábado a partires das 18 horas nas I.D. de O Conco en Dumbría.

A Fervenza é un dos equipos potentes da categoría, actual campión de liga e chega nun bo momento despois de catro vitorias consecutivas. Tamén chega nun bo momento o equipo infantil do Fisober logo de dous triunfos consecutivos aínda que a semana pasada sufriron a xornada de descanso que pode romperlles o ritmo. Na primeira volta a vitoria foi para A Fervenza por catro a cero.

O único equipo que non xogará sábado nin como local será o alevín mixto de Liga Comarcal Costa da Morte. Desprázanse a Corcubión o xoves día 7 xogando no municipal de dita vila a partires das 17 horas fronte ao E.F. B. Corcubión dentro da quinta xornada.

Máis futsal para este fin de semana

Fin de semana completo para un Fisober que terá un horario pouco habitual para o seu primeiro equipo, o resto de equipos xogan na xornada de sábado en moi diferentes puntos.

Na Segunda División Nacional no seu grupo IV dentro da décima xornada, o equipo senior enfróntase na matinal do domingo día 26 a partires das 13:00 horas ao C.D. Universidad de Valladolid no Pavillón das I.D. de O Conco nun horario inhabitual para o Fisober coma local.

Antóllase un partido igualado entre dous equipos que o darán todo na busca dos puntos. As pucelanas están colocadas no décimo posto da clasificación e veñen de caer 1 a 3 fronte o San Fernando. Pola súa banda as costeiras veñen de caer no derbi fronte o Cidade de Pontevedra.

Deberá amosar o Fisober a súa mellor imaxe e total concentración como na visita a San Fernando si quere sacar algo de proveito deste partido tan complicado.

Na Primeira Galicia feminina o equipo filial enfróntase ao Troula F.S. de Betanzos. Tamén o fará coma local pero será o sábado día 25 a partires das 20:30 horas nas I.D. de O Conco en partido correspondente a sétima xornada da categoría.

As de Betanzos son un dos equipos potentes da categoría con xogadoras con ampla experiencia en ligas de maior categoría e que contan todos os seus partidos por triunfos cómodos excepto o enfrontamento co líder Culleredo. Veñen de golear o Melide na anterior xornada. O filial segue a pagar a novatada e caeu no derbi ante o Ponteceso a pasada semana.

Na Liga Galega Infantil feminina o Fisober infantil , viaxa a Lugo para enfrontarse ao Prone Lugo Adarve. Será o sábado día 25 a partires das 16:00 horas no P. Centro Deportivo Terra no polígono do Ceao lucense.

Son dous equipos moi parellos aínda que neste momento está mellor clasificado o cadro costeiro. O Fisober ven de gañar con solvencia nun gran partido e dando a sorpresa, por 4 a 0 ao Viaxes Amarelle mentres que as lucenses chegan despois de caer no último minuto por un axustado 3 a 2 fronte o potente A Fervenza.

O equipo alevín mixto da Liga da Costa base visita o Camariñas F.C. e tamén será o sábado día 25 a partires das 16:00 horas no Pavillón da Ponte do Porto. O alevín mixto do Fisober ven de gañar por 3 a 2 ao Villa de Cee na anterior xornada.

Fin de semana intenso

Fin de semana intenso para un Fisober F.S.F. que poñe en liza ata catro equipos, un fin de semana que terá partidos dende o venres ata o domingo, que explicamos da seguinte maneira.

Na Segunda División Nacional no seu grupo IV o primeiro equipo ten derbi. Por segunda semana consecutiva tócalle xogar a domicilio as costeiras. Farano para enfrontarse o Cidade de Pontevedra o vindeiro sábado día 18 a partires das 17 horas no P. Municipal de Pontevedra en partido correspondente a novena xornada da categoría.

Vellos coñecidos son o Cidade de Pontevedra e o Fisober con enfrontamentos tanto en categoría Autonómica coma a tempada pasada compartindo Grupo I da Segunda División Nacional.

Si na tempada 15/16 en categoría Autonómica ambos conxuntos foron capaces de gañar a domicilio. A tempada pasada as da cidade do Lérez gañaban en Pontevedra e igualaban en Dumbría.

Esta tempada están a ter resultados moi similares aos do Fisober. Veñen de caer por seis a cero no derbi fronte o Viaxes Amarelle. Seguen a destacar xogadoras coma Carmén, Heba, Anouk …..

Pola súa banda o Fisober chega despois de tres xornadas sumando aínda que sabe que o Cidade é un equipo que non se adapta as características de xogo das costeiras. O equipo debe esforzarse como o fixo a semana pasada en San Fernando se quere traer algo de proveito.

O equipo filial da Primeira Galicia tamén terá derbi, desta vez fronte ao Concello de Ponteceso. Será tamén o sábado 18 a partires das 18 horas no P. Muncipal de Ponteceso en partido correspondente a sexta xornada. O equipo filial que está a padecer unha vaga de baixas, unido a súa xuventude intentará dar o mellor de si ante un dos equipos fortes da categoría.

As da vila de Pondal caían na anterior xornada fronte o Melide mentras que o filial recibía un duro correctivo do Amarelle de Nuria Paz.

O equipo infantil de Liga Galega Feminina recibe o domingo 19 a partires das 16 horas ao Viaxes Amarelle nas I.D. de O Conco en Dumbría en partido correspondente a sétima xornada. Un moi duro rival para as costeiras. O Fisober ven de caer fronte ao potente Talleres ABC Vigo e o Amarelle fronte o potente A Fervenza.

Pola súa banda o equipo alevín mixto da LCFSB Costa da Morte enfrontarase o vindeiro venres día 17 a partires das 18 horas ao Villa de Cee no P. Municipal de Muxía.

Fin de semana de futsal

Volve a competición o Fisober F.S.F. na Segunda División Nacional despois da semana de parón na Liga, un fin de semana no que tamén compiten o equipo filial e o infantil.

Na Segunda División Nacional no seu grupo IV o primeiro equipo do Fisober visita terras madrileñas, concretamente San Fernando de Henares para enfrontarse o conxunto local do FSF San Fernando. Dentro da oitava xornada de liga as costeiras xogan o vindeiro sábado día 11 a partires das 19:30 horas no P. Municipal de San Fernando de Henares.

As madrileñas son un equipo temible que aínda non coñece a derrota, con cinco triunfos e dous empates. Colocadas na terceira praza da clasificación a tan solo un punto do líder o Atlético B. Na última xornada de liga disputada gañaban a domicilio o Cidade de Pontevedra por tres a cinco.

Mentras que o Fisober na última xornada disputada, igualaba no Conco en Dumbría a dous tantos co filial do Majadahonda, encadeando dúas xornadas sen perder. Difícil compromiso para as costeiras que tentaran dar a sorpresa en terras madrileñas.

O equipo filial da Primeira Galicia recibe ao Amarelle Concello de Santa Comba. O partido disputarase o vindeiro domingo día 12 a partires das 11:00 horas da mañán no Pavillón das I.D. de O Conco en Dumbría e corresponde a quinta xornada da categoría.

Difícil rival para o filial xa que é o de Santa Comba é un conxunto con xogadoras de moito nivel e con ampla experiencia en superior categoría. Con elas chegará unha ex xogadora do Fisober campeona de Liga Autonómica co club costeiro no seu día como é a muxiana de Quintáns , Nuria Paz. Pero non solo ela destaca xa que no conxunto xalleiro se encontran xogadoras coma a mazaricá Tatiana Barcia, Vane Cal, a fisterrana Rita Lema ou Uxía Parcero que militou tamén en Segunda División, entre outras , en definitiva un conxunto con mimbres doutra categoría.

Dase a curiosidade que ambos conxuntos se enfrontaron ao Melide a semana pasada con resultados moi diferentes, empate a tres para as xalleiras en partido da cuarta xornada e derrota por sete a cero para as costeiras en partido aprazado da terceira. Ambos equipos disputaron estes encontros con moitas baixas esperando recuperar efectivos esta semana.

Na Liga Galega Infantil o Fisober terá que visitar terras olívicas. O vindeiro domingo día 12 a partires das 12:30 horas o equipo infantil costeiro visita ao Talleres ABC Vigo FS no P. do IES Coruxo e corresponde a sexta xornada da categoría.

As viguesas levan tres triunfos nos tres partidos que disputaron por calendario. A semana pasada non disputaron o seu partido que debía enfrontalas ao Comarcal A Fervenza nun duelo que debía ser de invictos. Mentras que o infantil do Fisober gañaba o seu primeiro partido no enfrontamento co Meigas.

f t g