Copyright 2019 - Fisober FSF

Comeza a Copa Primeira Galicia

Non para a competición para os equipos do Fisober xa que o filial unha vez rematada a liga inicia a Copa e o senior segue en competición.

Na Liga Preferente Galicia- Liga Autonómica o Fisober visita a pista do Tui-Valença Futsal. Será o vindeiro sábado día 16 a partires das 20:30 horas no P. Novo de Tui e con Andrés Pinilla Boullosa coma colexiado designado.

Na primeira volta o resultado fora de cinco a cero para as costeiras con goles de : Kenny, Nuriña, Laura, Noe e Ana, nun partido máis igualado do que demostra o tanteador.

Pola súa banda o filial unha vez finalizada a liga xoga xa este fin de semana o seu primeiro partido de Copa de Primeira Galicia – Copa Provincial. O filial costeiro quedou encadrado no grupo B co Troula, 5 Coruña, Cruces e Pontedeume.

Xogarán este sábado o seu primeiro partido en Betanzos fronte ao Troula as 19 horas no P. Municipal.

Nos dous enfrontamentos de liga venceu o Troula, por sete a tres en Betanzos e por cero a catro en Dumbría.

Futsal postentroido para o Fisober

Despois do parón de Entroido volven a competición os equipos femininos do Fisober F.S.F. e todos eles teñen partido este sábado.

O primeiro equipo disputa o seu partido de Liga Preferente Galicia – Liga Autonómica o vindeiro sábado día 9 a partires das 16:00 horas para enfrontarse ao F.C. Meigas nas I.D. de O Conco en Dumbría. O árbitro designado para este partido da 21 ª xornada é Iván Vidal.

As costeiras chegan nun momento delicado de resultados e polas lesións das últimas semanas. Na primeira volta no partido disputado en Bertamiráns o resultado fora de 2 a 5 a prol das costeiras. Polo Meigas marcaran: Yaiza e Teresa e polo Fisober marcaran : Paula Fandiño en dúas ocasións, Noe, Adriana e Nuriña.

Para o filial do Fisober remata este sábado a liga na Primeira Galicia- Liga Provincial visitando ao TCA Intalaciones Pontedeume. En partido da última e 18ª xornada de liga a disputar o sábado día 9 a partires das 19:45 horas no Municipal A Casqueira de Pontedeume, con Ramón Bujía coma árbitro designado.

Na primeira volta o resultado fora de catro a catro , con goles de Serena, Kenny, Andrea e Paula Fandiño para o filial e Laura en tres ocasións e María Vázquez para o Pontedeume.

Tamén remata a liga Galega Infantil Feminina. Será cun partido entre o Fisober e o Castro que se xogaran o pracer de quedar en segunda praza da competición. Será este sábado as 12:30 nas I.D. de O Conco en Dumbría e con F.J. Seijo como árbitro designado.

No partido da primeira volta o resultado fora seis a dous para o Castro. Polas locais marcaron : Antía en tres ocasións, Noa dous e Luisa un. Polo Fisober fora Saray en dúas ocasións.

Horarios cambiados para os equipos do Fisober

Fin de semana raro de horarios para os equipos do Fisober que se engloba entre a tarde –noite do venres e a mañán do sábado.

Na Liga Preferente Galicia - Liga Autonómica o Fisober xoga por segunda semana consecutiva a domicilio desta vez será o venres día 22 a partires das 21:30 horas no P.M. de Esteiro en Ferrol, fronte ao filial do A Fervenza en partido da 20 ª xornada.

Na primeira volta nun partido moi igualado o resultado fora de dous a cero para o Fisober con goles de Paula Fandiño e Mai.

Na Primeira Galicia - Liga Provincial o filial do Fisober recibe ao Villestro en partido que se disputará na mañán do sábado día 23 a partires das 13:00 horas nas I.D. de O Conco en Dumbría en partido da 17 ª xornada.

No partido da primeira volta o resultado foi de nove a dous a prol do Villestro. Na primeira volta marcaran a ex do Fisober , Carla en dúas ocasións, tamén en dúas ocasións Noa e Aurora e un Rocío, Paula e Raquel. Polo filial costeiro marcaran Saray e Uxía.

Na LCFSB Costa da Morte o alevín – mixto xoga o venres día 22 a partires das 18:00 horas no P.M. de Muxía fronte as E.M. C. Carnota.

Na primeira volta o resultado fora de un a oito a prol do Fisober con goles de Pablo en tres ocasións, Anxo e Javi dous e Marta un.

O infantil feminino non disputa partidos este fin de semana.

Viernes e sábado de futsal para os equipos do Fisober FSF

Volve a competición o primeiro equipo e faino xunto a outros tres equipos de inferiores e faino nuns partidos concentrados no venres e sábado.

Na liga Preferente Galicia – Liga Autonómica dentro da 19 ª xornada de liga o Fisober visita Celanova para enfrontarse ao Terra de Celanova F.S.F. o sábado día 16 a partires das 18 horas no P.M. Pedra Moa e dirixido o encontro por Stefan González Alonso.

O Celanova está a realizar unha gran tempada , estando actualmente na quinta posición. No partido disputado na primeira volta o resultado fora de igualada a cinco tantos. Para o Fisober marcaran Ana en tres ocasións, Mai e María Dumbría. Polo Celanova marcaran Belén en tres ocasións, María e un gol en propia porta.

Na Primeira Galicia – Liga Provincial dentro da 16 ª xornada de liga o filial do Fisober visita terras xalleiras para enfrontarse ao Amarelle Santa Comba o sábado día 16 a partires das 18:30 horas no P.M. Fontenla e con Iván Rey como árbitro asignado.

O Amarelle Santa Comba é un conxunto doutra categoría , líder que solo cedeu unha derrota en toda a tempada precisamente fronte ao filial, con 79 goles a favor e tan solo nove en contra. Ademais o triunfo faría campionas matemátias as de Santa Comba a falta de dúas xornadas. No conxunto xalleiro militan ata catro ex do Fisober como son Nuria, Elsa, Alba Cambeiro e Andrea. Na primeira volta o resultado fora de dous a un para o filial con goles de Paula Fandiño e Nuriña para o filial e da costeira Carla para o conxunto xalleiro.

Na Liga Galega Infantil e dentro da 16 ª xornada de liga o Fisober recibe a visita do Poio o venres día 15 no Augusto César Lendoiro de Corcubión a partires das 20:15 horas con Rodrigo Varela Mejide como colexiado asignado.

O Poio ven na cuarta posición da clasificación e é un conxunto que practica un gran xogo. Na primeira volta o resultado fora de dous a catro a prol das costeiras nun partido moi igualado que se decidiu nos últimos minutos. Polas costeiras marcaran Lucía Canosa en dúas ocasións, Sharay e Uxía e polo Poio foran Andrea e Adriana.

Na LCFSB Costa da Morte o equipo alevín mixto recibe a visita do Villa de Cee tamén o venres a partires das 18 horas no P.M. de Muxía. Na primeira volta o resultado fora de 8 a 1 a prol do Fisober con goles de Marta en tres ocasións, Javi dous, Anxo, Iago e Pablo.

Fin de semana sen o primeiro equipo

Fin de semana na que non xoga o primeiro equipo pero si o fan o filial, infantil e alevín.

Na Primeira Galicia-Liga Provincial o filial recibe a visita do Ulla Oil Vedra F.S.F. nas I.D. de O Conco en Dumbría o sábado día 9 a partires das 16 horas, dentro da 15 ª xornada de liga e con Daniel Blanco coma colexiado asignado.

No enfrontamento da primeira volta o resultado fora de dous a catro a prol das costeiras nun partido igualado que se dilucidou nos últimos minutos. Saray, Kenny, Paula Fandiño e Sharay marcaron para as costeiras e Vero por partida dobre para as de Vedra.

Na Liga Galega Infantil o infantil feminino recibe ao Viaxes Amarelle o vindeiro domingo a partires das 12:45 horas nas I.D. de O Conco en Dumbría en partido correspondente a 15 ª xornada de liga con Marcos Pérez coma colexiado designado.

Na primeira volta o resultado fora de oito a tres a prol das viaxeiras . Polas costeiras marcaran Alejandra, Saray e Uxía. Polas viaxeiras foran Carla e Sabela dous, Claudia, Lucía Yu e dous goles en propia porta.

Pola súa banda na LCFSB Costa da Morte o alevín xoga o venres día 8 a partires das 19 horas no P.M. de Muxía fronte ao E.M.F. Vimianzo. Na primeira volta o resultado fora de un a dous a prol do Fisober, con goles de Javi e Pablo.

O alevín xa xogou o luns o seu partido fronte as E.M. Fisterra gañando en Fisterra por cero a catro con tres goles de Pablo e un de Iago.

f t g