Copyright 2019 - Fisober FSF

Copa Primeira Galicia e finais dos campionatos provinciais

COPA PRIMEIRA GALICIA

RESULTADO : FISOBER B F.S.F. – TCA INSTALACIONES FS PONTEDEUME : 3-2.

FISOBER B : Sharay, María Maroñas, Lucía Rodríguez, Nerea, Lucía Martínez ; tamén xogaron : Andrea, Ruth, Uxía.

PONTEDEUME : Marta, Yaiza, Laura, Estela, Marta Balado ; tamén xogaron : Sonia, María, María López, Nuria, María Allegue, Lara.

ÁRBITRO : Francisco Javier Seijo , CRONO : Melanie Mendoza.

GOLES : 0-1 min 6 María Allegue , 0-2 min 12 María Allegue, ( descanso ) , 1-2 min 29 Uxía, 2-2 min 30 Saray, 3-2 min 43 Nerea.

Partido correspondente a 8ª xornada de Copa Primeira Galicia – Copa Provincial no seu grupo B disputado na tarde do sábado nas I.D. de O Conco en Dumbría.

O filial do Fisober pragado de infantiles lograba repoñerse a un dous cero en contra e levarse o partido, con Sharay facendo as veces de porteira.

Non comezaba mal o filial costeiro pero as de Ferrolterra poñían perigo a contra. E nunha contra era María Allegue a que poñía en vantaxe ao Pontedeume.

Continuou o dominio do filial e noutra contra de novo María Allegue facía o segundo gol visitante.

O filial costeiro tentouno durante a primeira metade pero non foi quen de superar a boa porteira visitante. Con cero a dous chegouse ao tempo de lecer.

Na segunda metade puxéronlle moitas gañas as locais para darlle a volta ao partido.

Así era Uxía a que reducía distancia e tan solo un minuto despois era Saray a que deixaba o empate no electrónico co que comezaba un novo partido.

Segueu intentando o filial costeiro e tamén as visitantes poñían a proba a Sharay en portería.

Ata que Nerea facía o terceiro e dáballe a volta ao partido a prol do filial. Nos sete minutos que restaban xa non se moveu o marcador e os puntos quedaron na costa.

A vindeira semana descansan as costeiras que rematan a competición dentro de quince días en Cruces.

CAMPIONATOS PROVINCIAIS

Os equipos infantil e alevín femininos disputaban as finais provinciais fronte a sendos equipos do Viaxes Amarelle nas instalacións do P.M. de Outes, en ambas categorías saíron triunfadoras as vaixeiras.

Primeiro era a xeira para as alevíns que se enfrontaban a un Viaxes Amarelle campión de Liga e Copa Galega. O resultado foi de seis a un a prol das herculinas e o gol costeiro foi obra de Marta. Polo Fisober participaron Yaiza , Sabela, Marta, Lara, Zoe, Noa, Sara e Claudia.

Despois era o turno para as alevín que tamén se enfrontaban a un Viaxes Amarelle campión de Liga Galega. O resultado foi de catro a un a prol das herculinas e o gol costeiro foi obra de Laura Esteiro. Polo Fisober participaron Alexia , Sharay, Lucía Rodríguez, Saray, Lucía Martínez, Lucía Canosa, Ruth, Lauriña, Nerea, Laura Esteiro, Uxía.

Ambos equipos do Fisober eran adestrados por Ana Mouzo e Dani Costa.

Resultados Copa Provincial e Copa Infantil

COPA PROVINCIAL

ACADEMIA RED BLUE 5 CORUÑA – FISOBER B F.S.F. : 3-2.

5 CORUÑA : Natalia, Nerea, Ana, Sandra, Leny ; tamén xogaron : Alba Canosa, Antía, Rocío, Mel, Alba.

FISOBER B : Naira, Lucía Rodríguez , María Maroñas, Lucía Canosa, Saray ; tamén xogaron : Sharay, Lucía Martínez, Andrea.

ÁRBITRO : Héctor Pérez , CRONO : Juan Rivera.

GOLES : 1-0 min 1 Ana, 1-1 min 14 Lucía Martínez, 2-1 min 15 Mel, 3-1 min 20 Nerea, 3-2 min 23 Saray.

Partido disputado na tarde do sábado no P.M. Barrio das Flores da Coruña correspondente a 7ª xornada da Copa Primeira Galicia – Copa Provincial no seu grupo B.

O filial prantou cara a un dos grandes da categoría ao igual que na primeira volta da liguiña e caeu pola mínima na Coruña, cun plantel pragado de infantiles.

Empezaron mal as cousas para o filial costeiro recibindo un gol ao pouco de comezar por parte de Anita.

As herculinas apretaron moito nestes primeiros minutos e o filial pechouse atrás e intentou saír a contra.

Nunha desas contras a infantil Lucía Martínez facía a igualada para as do filial costeiro.

Pouco lle durou a ledicia as xogadoras do Fisober B xa que no seguinte minuto Mel poñía de novo por diante as locais.

Pouco despois Nerea facía o terceiro gol herculino, ao que respostou Saray antes de chegar ao tempo de lecer.

Co tres a dous voltouse dos vestiarios , co mesmo guión de partido dominio local e as costeiras intentando saír a contra.

As herculinas tiveron as súas opcións para pechar o partido antes dos últimos minutos pero non foron quen de logralo a non aproveitar as súas claras ocasións de gol.

Iso provocou que o filial costeiro se lanzara na busca da igualada nos últimos minutos de partido pechando as herculinas no seu campo e gozando de moi boas ocasións , facendo padecer as locais pero o resultado non se moveu.

A vindeira semana o filial xogara en Dumbría fronte ao Pontedeume.

 

COPA INFANTIL

FISOBER F.S.F. – FERROL A FERVENZA : 3-1.

FISOBER : Alexia, Sharay, Lucía Rodríguez, Saray, Lucía Canosa ; tamén xogaron : Alejandra, Laura, Ruth, Uxía, Lucía Martínez.

FERVENZA : Iria, Julia, Keira, Irene Cela, Irene Pol, tamén xogaron : Inés , Ainara, Paula, Sofía, Antía , Sofía Ferreiro.

ÁRBITRO : Iván Vidal, CRONO : Lucía Blanco.

GOLES : 1-0 min 4 Lucía Canosa, 1-1 min 14 Sofía, ( descanso ) , 2-1 min 33 Lucía Martínez, 3-1 min 38 Lucía Canosa.

Partido correspondente a 5 ª xornada na Copa Galega Infantil femenina no seu grupo A disputado na mañán do domingo nas I.D. de O Conco en Dumbría.

O Fisober logrou o triunfo ante A Fervenza e acadou a clasificación para a Final Four de Copa a celebrar en lugar e data por determinar.

Coma nas tres ocasións anteriores esta tempada foi un partido igualado e competivo entre ambas escadras que non se decidiu ata os últimos minutos de partido.

Arrancaron ambos conxuntos moi fortes pero o primeiro en pegar foi o costeiro cun gol de Lucía Canosa para poñer en vantaxe as súas.

As visitantes non se rendiron e lograron igualar cun gol de Sofía Calderón para poñer o resultado en táboas. Un resultado co que se chegou ao tempo de lecer.

Despois da volta de vestiarios o partido continuou co mesmo guión e moi igualado. Os dous conxuntos tiñan as súas opcións pero o resultado non se moveu ata que apareceu Lucía Martínez para facer o segundo gol costeiro.

Antes do fin un novo gol de Lucía Canosa facía o terceiro gol local e selaba o pase para a Final Four copeira das costeiras. Con este triunfo o Fisober remataba a liguiña e tocará esperar a celebración da Fase Final.

Pero a vindeira semana si terán partido aínda que doutra competición xa que xogarán o sábado a final do campionato provincial fronte ao Viaxes Amarelle en Outes. Unha fase final provincial na que tamén participará o equipo alevín feminino, tamén en Outes e co Viaxes Amarelle e o Jogafan Ordes como rivais alevíns femininos.

 

 

Resultados Copa Galega Promesas Alevín Feminina

Durante toda a xornada do domingo disputouse nas I.D. de O Conco en Dumbría disputouse a Copa Galega Promesas Alevín Feminina. Unha experiencia única para as rapazas costeiras participar nesta novidosa competición e ademais coma locais.

O Fisober quedou encadrado no grupo B xunto co Viaxes Amarelle o Adarve. O Fisober dispuxo na súa formación de : Yaiza coma porteira, Sabela, Claudia, Lucía, Marta, Carolina, Lara, Noa, Zoe, Sara.

Na matinal domingo o conxunto costeiro enfrontouse fronte ao Viaxes Amarelle. O resultado foi de dous a once a prol do conxunto viaxeiro. Os goles do Fisober foron obra de Marta e Lara. O Amarelle que finalmente foi o campión.

Pola tarde o rival foi o Adarve lucense, gañando o conxunto lucense por cinco a dous. Os goles do Fisober foron obra de Yaiza e de Lucía.

No outro grupo no que estaban encadrados Morrazo, Poio e A Fervenza, chegaría a final o Morrazo.

Na gran final Viaxes Amarelle impoñíase ao Morrazo acadando o título de Copa ao igual que fixera ca liga.

Gran xornada de convivencia para as máis cativas do club.

O alevin mixto finalista no Torneo Intercomarcal

O alevín mixto do Fisober disputaba este sábado o Torneo Intercomarcal o que chegaban os campións das competicións locais escolares. A competición disputouse para o Fisober no P. M. de Padrón. As nenas e nenos do Fisober así coma os seus adestradores disfrutaron enormemente da experiencia.

O Fisober disputaba a súa semifinal na mañán do sábado fronte ao E.D.M. de Negreira. Na convocatoria puideron entrar todos os compoñentes do plantel. Miguel coma porteiro e coma xogadoras e xogadores de pista, Iago, Lara, Pablo, Zoe, Anxo, Noa, Marta, Javi e Sabela.

O Fisober gañaba a súa semifinal co resultado polo resultado de catro a dous ao seu favor. Os goleadores foron : Javi en dúas ocasións, Zoe e Pablo.

Na outra semifinal o gañador foron as E.D.M. de Pontecesures que se desfixeron do Outes C.F. na tanda de penaltis , polo tanto serían o rival do Fisober.

No terceiro e carto posto Outes gañaba pola mínima ao Negreira.

Pola tarde disputouse a gran final na que se impuxeron as E.D. M. de Pontecesures por cinco a dous, os dous goles do Fisober foron obra de Pablo.

Copa Primeira Galicia: Fisober B 1 - 6 Cruces FSF

Partido disputado na tarde – noite do sábado nas I.D. de O Conco en Dumbría correspondente a 5 ª xornada da Copa Primeira Galicia – Copa Provincial.

FISOBER B : Naira, Lucía Martínez, María Maroñas, Kenny, Lucía Canosa ; tamén xogaron : Lucía Rodríguez, Sharay, Andrea, Uxía, Nerea, Saray.

CRUCES : Lourdes, Cruz, Clara, Tania, Silvia ; tamén xogaron : Alba, Erica, Begoña.

ÁRBITRO : Marcos Noya , CRONO : Vanesa Varela.

GOLES : 0-1 min 4 Tania, 0-2 min 14 Tania, 0-3 min 23 Clara , ( descanso ), 0-4 min 26 Begoña, 1-4 min 35 Lucía Martínez, 1-5 min 45 Begoña, 1-6 min 49 Silvia.

Saiu o Cruces esperando en media pista e saíndo a contra. Nun saque de esquina teñen a primeira ocasión as visitantes pero Naira aparece para salvala. E o pouco do comezo cun tiro exterior adiantábanse as visitantes.

O filial costeiro tiña a posesión e creaba unha boa ocasión cun envío longo de Uxía para Nerea a que envía para Saray pero a porteira visitante evitaba a igualada.

Había poucas ocasións para as locais pero eran claras.

O segundo gol do Cruces chegaba mediada a primeira metade cun roubo das visitantes que finalizaban un dous para un.

O partido continuaba co mesmo guión e a pouco de rematar a primeira metade chegaba o terceiro visitante. Para colmo na seguinte xogada lesionábase a porteira Naira, tendo que ocupar o seu lugar Sharay.

E no inicio da segunda metade un novo gol visitante para pechar case o partido.

Recortaban distancias as locais cun gol da infantil Lucía Martínez. Puido marcar o segundo o filial cunha falta lanzada por Nerea no borde do área.

Nunha contra visitante salva Sharay o gol. E o Fisober B creaba máis perigo nesta segunda metade cun tiro de Uxía bicando o pau.

Coas locais volcadas as visitantes aproveitaban a contra, con dous goles máis para pechar o partido.

O Fisober B voltará a competición o 28 de abril ca visita do Troula Betanzos.

f t g