Copyright 2019 - Fisober FSF

Tanto o primeiro equipo coma o filial xogan coma locais

Este fin de semana toca sábado no Conco, xa que tanto o primeiro equipo coma o filial xogan coma locais nas I.D. de O Conco en Dumbría, mentras que o infantil volta a descansar.

Na Liga Preferente Galicia-Liga Autonómica o Fisober F.S.F. recibe ao Tui Valença Futsal o sábado día 3 de Novembro as 19:00 horas nas I.D. de O Conco. O árbitro asignado para este partido da sétima xornada de liga será Marcos Pérez Rodríguez.

O Tui Valença é un equipo novo na categoría co cal non se sabe co que se vai atopar o equipo costeiro. Sofía Rodríguez e Diana Mendes son as súas máximas goleadoras polo momento.

Pola súa banda as costeiras chegan despois de tres xornadas sumando consecutivas e queren continuar coa súa xeira positiva unha semana máis.

Na Primeira Galicia – Liga Provincial o filial do Fisober enfróntase a A.D. Atletes tamén nas I.D. de O Conco en Dumbría a partires das 17 horas. O árbitro asignado para este partido da quinta xornada de liga será Marcos Pérez Rodríguez.

O partido é un derbi polo tanto todo pode pasar, aínda que o xoven conxunto do Fisober está a pagar a novatada. O Atletes ten a Laura Sanvicente como máxima goleadora.

Pola súa banda o equipo infantil voltará a descansar pola retirada do Morrazo na Liga Galega Infantil.

Fin de semana a domicilio

Tócalle un fin de semana a domicilio aos equipos do Fisober e no que o infantil descansará debido a retirada de última hora do ABC vigués.

Na Liga Preferente Galicia-Liga Autonómica o Fisober F.S.F. visita a pista do F.C. Meigas en Bertamiráns. Será o sábado día 27 a partires das 16:15 horas no P. Muncipal de Bertamiráns en partido correspondente a sexta xornada de liga.

Ambos conxuntos coñecense moi ben , conxuntos no que a xuventude é o motor principal. As de Bertamiráns son novatas na categoría pero son moi fortes coma locais.

Na pretempada os dous equipos enfrontáronse en dúas ocasións, gañando sempre o local. En Dumbría por cinco a un o Fisober. Nos arrabaldos de Santiago o Meigas por dous a un. Polo que se espera un partido moi igualado. Incluso Nuriña chegou a xogar cedida no Meigas fai dúas campañas co que coñece a gran parte do plantel, o igual que Mai que no seu día tamén vestiu a camisola do Meigas.

Destacan Yaiza con catro goles e Tere con dous como os seus puñais ofensivos.

Pola súa banda o filial visita a difícil pista do Troula en Betanzos na Primeira Galicia-Liga Provincial. Será tamén o sábado día 27 a partires das 19:30 horas no Municipal de Betanzos en partido correspondente a cuarta xornada de liga.

As betanceiras aínda que perderon dous partidos foi contra dous dos máximos favoritos da categoría, fronte ao Amarelle Santa Comba pola mínima e nos últimos segundos e tamén fronte ao potente Villestro. A súa principal goleadora a día de hoxe é Olalla Vilela.

As costeiras seguen a adaptarse a categoría, collendo minutos nunha categoría senior a pesar da súa xuventude.

O equipo infantil non terá xornada pola retirada do ABC vigués.

Futsal despois do parón

Despois do parón da pasada semana volve a competición o Fisober F.S.F. e volta cun triple enfrontamento coma local, co cal toca unha axenda apretada nas I.D. de O Conco en Dumbría.

O primeiro equipo ten partido da Liga Preferente Galicia – Liga Autonómica correspondente a quinta xornada de liga, será o domingo día 21 a partires das 11:30 horas nas I.D. de O Conco fronte ao Ortegal Oil-Fervenza B.

Chega a Dumbría o filial do conxunto da Segunda División o Fervenza. Chegan despois de dúas igualadas consecutivas antes do parón da última semana. Veñen de igualar fronte ao Viaxes Amarelle B e o Cidade de Pontevedra o que as fai un rival moi compricado e que chega nunha boa xeira.

O Fisober chegou ao parón despois da igualada fronte ao Terra de Celanova, co que a mañá de domingo explicará o momento de ambos equipos.

O equipo filial tamén ten partido coma local na Primeira Galicia-Liga Provincial correspondente a terceira xornada de liga, será o sábado día 20 a partires das 13 horas nas I.D. de O Conco fronte ao Melide F.S.F. .

O Melide é un conxunto potente e cheo de xuventude, na última xornada ven de igualar ante un dos favoritos da competición como é o Villestro. O filial caía no último encontro fronte ao 5 Coruña.

O equipo infantil coma os outros dous equipos ten partido coma local na Liga Galega correspondente a terceira xornada de liga, será o domingo día 21 a partires das 13:15 horas nas I.D. de O Conco fronte ao CD Adarve Lugo.

As lucenses veñen de caer fronte ao Viaxes Amarelle na última xornada e o conxunto costeiro gañaba fai dúas ao Fervenza, xa que o retirarse dous equipos a última hora queda un calendario no que van a ser normais os descansos.

Turno para as máis cativas

Este fin de semana entra en liza un terceiro equipo do Fisober F.S.F. que será o Infantil de Liga Galega co que o club costeiro xa terá tres equipos sobre as pistas.

Na Liga Preferente Galicia – Liga Autonómica o primeiro equipo recibe o sábado día 6 a partires das 16 horas nas I.D. de O Conco ao Terra de Celanova F.S.F. . Partido para o que está designado o colexiado Pablo Bouzas.

As costeiras buscan os seus primeiros puntos despois de tres derrotas por resultados moi axustados e nos que mereceron gol, pero nos que pagaron a súa falla de gol.

Pola súa banda o Celanova é un conxunto que comezou moi forte, chega con seis puntos despois de dúas vitorias ante Culleredo e Cidade de Pontevedra , precisamente o último rival do Fisober, e caer pola mínima ante o potente Leis Pontevedra por dous a tres. Un conxunto o Celanova no que destaca unha vella coñecida das costeiras como é Vane Domonte, a ex de Carballiño ou Amoeiro entre outros , sempre molla ante as costeiras polo que será unha xogadora a seguir. Ademais as visitantes son un equipo moi intenso e difícil de batir como amosan os seus resultados.

Na Primeira Galicia – Liga Provincial o filial visita ao 5 Coruña tamén na tarde do sábado día 6 a partires das 19 horas no Mpal Novo Mesoiro.

O filial visita unha difícil pista dun equipo con xogadoras con moita experiencia. Ambos equipos caían na primeira xornada o filial coma local ante o Cruces e o 5 Coruña na difícil pista do Villestro.

Pola súa banda queda para o domingo día 7 o debut na competición do equipo de Liga Galega Infantil a partires das 12:30 horas nas I.D. de O Conco en Dumbría para enfrontarse ao Error Ferrol A Fervenza. O partido ten designado ao colexiado Ignacio Rivas.

O equipo ferrolá sempre é un dos favoritos da competición polo seu gran traballo de canteira. Para as costeiras será o debut na competición e para algunha o debut ca camisola do Fisober.

 

Comeza a liga para o filial

A partires deste fin de semana comezan a competición máis equipos do Fisober F.S.F., tocándolle desta vez o equipo filial o Fisober B que participará na Primeira Galicia- Liga Provincial, ademais o primeiro equipo visitará a cidade do Lérez.

Dentro da terceira xornada da Liga Preferente Galicia-Liga Autonómica o Fisober visitará ao Cidade de Pontevedra en partido que se disputará o vindeiro sábado no P. Principe Felipe da cidade do Lérez a partires das 19 horas.

O Cidade de Pontevedra ao igual co Fisober é un dos descendidos da categoría de Prata do fútbol sala feminino español.

Nos dous partidos disputados conta cunha igualada a cero ante o filial do Viaxes Amarelle e a pasada semana unha derrota pola mínima ante o Terra de Celanova, a súa goleadora foi Heba.

O Cidade é un equipo que nas últimas tempadas se enfrontou con asiduidade ao conxunto costeiro xa que coincidiron nas diferentes ligas. É un equipo que non se lle da demasiado ben as costeiras, as últimas visitas a Pontevedra acabaron con vitoria local , cun nove a tres a tempada pasada, e catro a un tamén para as pontevedresas na tempada 16/17, hai que remontarse a tempada 15/16 tamén en Liga Autonómica para atopar un triunfo costeiro en Pontevedra, un triunfo que a postre fora chave no ascenso do Fisober.

As costeiras buscan os primeiros puntos nunha pista difícil, e tamén buscan os primeiros goles , que está sendo o seu gran handicap neste inicio de tempada.

Este sábado tamén inicia a tempada o equipo filial o Fisober B na Primeira Galicia-Liga Provincial na que será a primeira xornada desta liga.

O xoven equipo costeiro inicia a liga ante o Cruces F.S.F. nun partido que se disputa nas I.D. de O Conco en Dumbría tamén o sábado a partires das 17:30 horas. Con Beatriz Pazos Ferreiro como árbitro asignada.

Nun partido que ao ser o primeiro da tempada é un interrogante como chegarán ambos conxuntos. No partido da tempada pasada o resultado fora de tres a un a prol das costeiras, pero está tempada hai moitas caras novas e xuventude no filial costeiro.

f t g